నింగి వీడి నిండు జాబిలి
పండు వెన్నెలను
నాపై కురిపించిందా
అన్నట్లుగా ఉంది నీ రూపం
నిన్ను చూసేందుకు
నా రెండు కళ్ళు చాల్లేదు
చెబితే నమ్మవు కానీ
నేనెప్పుడో నీకు దాసోహమైపోయాను
నీ కొనకంటి చూపు చాలు
నన్ను ఉక్కిరిబిక్కిరి చేసేందుకు
ఈ చోటును అడిగి చూడు
నిన్ను చూడకుండా ఉండటం
నాకెంత నరకమో చెబుతుంది
హు! నువ్వు నిజంగా నిండు జాబిలివే
నాకు అందనంత దూరంగా
ఎప్పటికి కలవనట్లుగా